Semantik

Semantik iya nya siti lumpar penemu ti mansik sereta nguse reti leka jaku enggau ayat. Ari jaku mensia ulih mantaika pengasai ati sida, utai dirunding sida sereta ulah pendiau sida.  Keretas kereja reflected meaning : a point of semantics dalam bup Palmer taun 1997, madahka terminologi semantik sigi udah dikena dalam jaku English kenyau ari abad ke 17. Leka jaku semantik tu mai reti kUdus. Taja pia terminologi tu enda ngerembai. Kelimpah hari nya, kenaka taun 1900 dalam bup Breal, Semantics: studies in the science of meaning, nerangka semantik nya siti chabang ‘sains’ reti. Siti Hajar Abdul Aziz (2009), semantik asal ari jaku Greek iya nya semantikos ti mai reti. Sema iya nya aspek reti ti disebut dalam siti-siti jaku tauka sistem tanda ti bukai. Semantik bisi kaul enggau bidang pragmatik. Bidang pragmatik mansik guna tanda nitihka konteks orang ti ngena jaku nya. Semantik mega siti pansik ti teoritikal bekaul enggau reti dalam sistem tanda. Semantik bisi dua bagi ekspresi reti. Lyons (1977 – 137 ) ari Zahrah Abd. Ghafur madahka semantik iya nya pansik senentang reti ba linguistic ba bagi morfem, leka jaku, frasa, klausa enggau ayat dalam jaku tubuh.
            Ari kesemua definisyen ti diberi bala sida anda jaku nya, semantik tu reti iya siti chabang pelajar senentang reti leka jaku. Reti leka jaku sigi besai bendar reti iya ba kitai mensia. Berindik ari reti leka jaku, kitai mensia ulih bekomunikasyen enggau pangan diri. Mesej ti deka dikenataika ari orang ti bejaku nya deka nyentuk datai ngagai sida ti ninga. Dalam semantik, reti enda tentu tegap tang agi bepanggai ngagai orang ke nyebut, orang ke ninga enggau konteks.